أنا واحد من الناس كنت بحب الحياة وعايشها بالطول وبالعرض فرحان ومبسوط ومش هاممني اي حاجة وفاكر ان الدنيا دي بتاعتي انا الى بتحكم فيها وقت ما اعوز افرح بفرح ووقت مازهق م الفرحة ممكن ساعتها افكر في حاجة تضايقني واعملها علشان اتضايق!

تفكير عبيط مش كده

بس ده مكنش تفكيري لوحدي على فكرة بالعكس .. ده تفكير اي شاب ف مرحلة مراهقة يعني مابين 16 و 19 سنة ف السن ده الواحد بيحس ان هو الوحيد الى مسيطر على كل حاجة واي حاجة ومفيش حاجة تقدر تضايقه وبيبئا عنده امل. طب وبعدين ؟؟؟!!

يا اما الشاب الى بنتكلم عنه ده يفوق ويعرف ان كل حاجة ف الدنيا دي ليها نهاية (والحاجات دي من ضمنها طبعا السعادة).

يا اما يفضل طايح فالدنيا والحلم ياخده وينتهي بيه الحال زي حالى !!

فجأه كده وبدون اي مقدمات يلاقي نفسه بئا فوق دماغه كل حاجة .. كل حاجة كان مسيطر عليها ف حياته بئت هي الى بتسيطر عليه والحاجات دي من اهمها نفسه .. ايوة نفسه بتسيطر عليه وبتفضل تضعفه تضعفه لحد مايقع ويلاقي نفسه مش قادر يقوم وفجأه بعد ماكان بيعمل الغلط ويهرب من مسئوليته او على الاقل بيقدر يصلحه .. يلاقي نفسه بيعمل الغلط غصب عنه وكمان مش قادر يصلحه وياريته عارف يهرب، محدش يقدر يهرب من الدنيا لان سجنها ملوش مخرج لو وقعت نفسك فيه يبئا مفيش قدامك غير ربنا تدعيله علشان ينجدك من السجن ده. لكن تعمل ايه بئا لو فضلت كل ماتحاول تفشل وكل ماتحاول تلاقي حاجة تمنعك وكل ماتقوم تقع وكل مرة تحس فيها انك هتقدر تعمل حاجة تلاقي نفسك مشلول اكتر من الى قبلها ؟؟؟؟؟

ياريت لو عرفت تقولي لأن انا شخصياً مش عارف !